RUS
ҚАЙСАР АЛПЫСБАЙ - АЗИЯ ОЙЫНДАРЫНЫҢ ЧЕМПИОНЫ
60 келіде ел намысын қорғаған Қайсар финалда Кувейт елінің спортшысы Абдулла Шаабахты жеңіп, ел қоржынына тоғызыншы алтын жүлдені салды
ЖӘМИЛӘ БАҚБЕРГЕНОВА - АЗИЯ ОЙЫНДАРЫНЫҢ КҮМІС ЖҮЛДЕГЕРІ
Азия ойындарының аясында өтіп жатқан финалдық белдесуде 76 келі салмақ дәрежесінде өнер көрсеткен отандасымыз Жәмилә Бақбергенова қырғыз палуаны Айпері Медетқызына жеңілді. Есеп 4:7.
ГАЛИНА ДУВАНОВА — КҮМІС ЖҮЛДЕГЕР
Джиу-джитсудан 57 келі салмақта әлем чемпионатының 3 мәрте қола жүлдегері Галина Дуванова финалдық бәсекеде Филиппин спортшысы Анние Рамирезке 0:2 есебімен ұтылып, 2-орынға ие болды.
КӨРКЕМ ГИМНАСТИКАДАН ҚАЗАҚСТАН ҚҰРАМАСЫ – АЗИЯ ОЙЫНДАРЫНЫҢ КҮМІС ЖҮЛДЕГЕРІ
Ханчжоуда өтіп жатқан ХІХ жазғы Азия ойындарының командалық сайысында Эльжана Таниева, Эрика Жайлауова мен Милана Парфилова ел намысын қорғап, жалпы 317.100 ұпаймен екінші орынға табан тіреді.
ӘСЕЛ ҚАНАЙ – АЗИЯ ОЙЫНДАРЫНЫҢ ҚОЛА ЖҮЛДЕГЕРІ
Каратэден 61 келі салмақта бақ сынаған Әсел Қанай 3-орын үшін өткен кездесуде Иран спортшысы Атуша Голшаднежадтан 1:0 есебімен басым түсті.
Жалпы 22 жастағы Әсел Азия ойындарында 4 рет қарсыласпен шығып, үшеуінде жеңіске жетті.
АЛЕКСАНДР КУЛИКОВ –АЗИЯ ОЙЫНДАРЫНЫҢ ҚОЛА ЖҮЛДЕГЕРІ
Қазақстандық спортшы Александр Куликов слаломды есуден үшінші орынды иеленді.Оның көрсеткіші - 97.04 секунд. Тұғырдағы алғашқы екі орынды Қытай мен Өзбекстаннан келген ескекшілер иеленді.
ЕКАТЕРИНА ТАРАНЦЕВА – АЗИЯ ОЙЫНДАРЫНЫҢ ҚОЛА ЖҮЛДЕГЕРІ
Қазақстан құрамасының спортшысы слаломда есуден қола жүлдеге ие болды. Екатеринаның көрсеткіші- 111.71 секунд. Алтын медаль Тайпей өкіліне бұйырды. Күміс жүлде қытайлық спортшының еншісінде.