Қысым көрдім деген Дастан Қастайдың хатына Саясат Нұрбек жауап қайтарды
"Басшылық мені еш себепсіз ҚазҰУ-дан шығарып жіберді. Оқытушыларға қысым жалғасып жатыр" деген Дастан Қастай орнында қалатын болды. Бұл туралы smartnews.kz сайты хабарлайды.
Қазақ Ұлттық университеті, журналистика факультетінің оқытушысы Қастай Дастан өзіне жасалған қысымның себебі “Кемел Тоқаев аудиториясы” ашылғаннан кейін басталғанын айтады. Университет аудитория ашылуына келген журналистерді ішке кіргізбеген.
Бұған министр Саясат Нұрбек жауап қайтарды.
"Достар, Әл-Фараби атындағы Қазақ ұлттық университетінің жас оқытушысы Дастан Қастайдың әлеуметтік желідегі ашық хатына байланысты оқу ордасының басшылығымен тікелей байланыстым және ұстаздарды жұмыстан шығару немесе қудалау фактілері болмауы керектігі бойынша кеңестерімді бердім.
Қазіргі уақытта Dastan Kastay бауырымыздың жұмыстан шығарылғаны туралы бұйрық жоқ екендігін және журналистика факультетіндегі қызметін жалғастыра беретіндігін баршаңызға қуанышпен жеткіземін", - делінген министр жауабында.
Материал авторы
