RUS
Белгілі Қазақстандық актер Рауза атты телесериал арқылы танымал Жұмабек Асқар, 2022 жылдың 28 желтоқсанында Аль-Фараби 140а/4 даңғылында орналасқан, “LITTLE BRAZIL” атты караоке көңіл көтеру орталығына қонақ болып барған.
"Қазақстанның аты шулы зиялы, ауқатты, дәулетті Бахарадин Аблазимов және Динмухамет Идрисов атты адамдардың ұлдарының, Бостандық ауданының полиция қызметкері Валиев Біржан Нұрланбекұлының қатысуымен орын алған келіспеушілік, артынша төбелеске айналған. Бұл төбелеске араша түспек болған Жұмабек Асқарды жазықсыз айыптап 6 жыл 6 айға 11.10.2023 күні сот залынан алып кетті!", - делінген актердің Instagram парақшасындағы үндеуінде.
Оқиға орнында болған жайт жөнінде толығырақ тарқатсақ, караокеде әр орын 2 әннен айтуы керек болған. Кейін түсініспеушіліктің кесірінен, ауқатты кісілердің ұлдары диджейге қол жүгірткен. Сол кезде аяқ-асты төбелес басталып, актер ажыратпақ болып, өзі соққының астында қалған.
"Құрметті президент Қасым-Жомарт Кемелұлы Тоқаев мырза, осы істі өзіңіз қолға алып, бүге-шүгесіне дейін қарастырып әділ шешімін берсеңіз екен. Осы іске назарыңызды аударсаңыз екен деген мақсатта сізден көмек сұраймыз!
Асқарды біз тәртіпті, адал, жанашыр дос, заңға қайшылығы жоқ ер азамат деп білеміз. Сондықтан бізге сіздің көмегіңіз қатты қажет!", - дейді актердің жақындары.
Жаңалықтарды бірінші боп оқу үшін Telegram арнаға жазылыңыз!