RUS
55 панельдік сессия, дөңгелек үстелдер және keynote форматтағы кездесулер өтті. 29 меморандум мен келісімге қол қойылды. Digital Bridge Awards 2023 жеңімпаздары анықталды. Сондай-ақ форумда алғаш рет Google for Startups саммиті өтті.
Digital Bridge 2023 форумындағы тағы бір ерекше оқиға – стартаптар туралы Meet the Drapers реалити-шоуының түсірілімі өтіп, Қазақстанның атынан қатысатын стартап белгілі болды.
Көрмеге 16 үздік IT-мектеп және 14 өңірлік хаб қатысты. Вакансиялар жәрмеңкесінде 20 ірі компания 500-ден астам бос жұмыс орнын ұсынды.
Astana Hub Battle додасына Орталық Еуразияның 200-ден астам IT-компаниясы қатысып, өздерінің өнімдерін одан әрі дамыту үшін жалпы жүлде қоры $125 000 сарапқа салды. 5 жеңімпаз анықталды.
«Барлық қатысушыларға, қонақтарға, спикерлерге, әсіресе демеушілерге қолдауы мен экожүйені дамытуға қосқан елеулі үлесі үшін шексіз алғысымызды білдіреміз. Бұл форум - өңірдегі технологиялық кәсіпкерлікті дамытудағы, сондай-ақ отандық стартап мәдениетін насихаттаудағы және экожүйеге жаңа қатысушыларды табудағы негізгі миссиямыздың бірі. Біз форумды ұйымдастыруға атсалысқандардың бәрін Орталық Азиядағы ең ірі IT форумының сәтті өтуімен құттықтаймыз және инновациялар мен стартаптар әлемінде жаңа жетістіктер күтеміз. Digital Bridge 2024 форумында кездескенше!», - деп қорытындылады Astana Hub бас директоры Мағжан Мәдиев