RUS
Іс-шараға LSEG Business Орталық және Шығыс Еуропа және ТМД елдеріндегі Клиенттермен байланыс жөніндегі директоры Эдже Сараджаулы, ТМД елдері бойынша клиенттермен байланыс жөніндегі менеджер Ержан Сейілбек, Қазақстандық өкілдіктің директоры Арман Қасымов және MNU Басқарма Төрағасы Талғат Нәрікбаев қатысты.
Thomson Reuters және Eikon ретінде белгілі қаржылық нарық деректерін жеткізуші Refinitiv Workspace - әлемдегі жетекші провайдерлердің бірі саналатын Лондон қор биржасы тобына тиесілі (LSEG).
Жаңадан ашылған зертханада MNU студенттері мен оқытушылары жаһандық қаржылық деректерге, жаңалықтарға және материалдарға қол жеткізе отырып, Refinitiv деректер базасымен жұмыс істеудің бірегей мүмкіндігіне ие болады.
Олар шынайы уақыт режимінде қаржы нарығының қозғалысын талдап, әлемдік банк секторындағы жағдайлар мен компаниялардың инвестициялық тартымдылығы туралы аналитикалық деректерді жасай алады.
Зертхананың салтанатты ашылуы барысында Maqsut Narikbayev University Басқарма Төрағасы Талғат Нәрікбаев университеттің халықаралық оқу орны мәртебесін алуды мақсат етіп отырғанын ерекше атап өтті.
«Біз болашақта нағыз жаһандық университет болуды мақсат етудеміз. Ол үшін біз қазіргі уақытта британдық сапаны қамтамасыз ету агенттігі мойындаған QAA халықаралық аккредитациясының күрделі, алайда маңызды үдерісінен сәтті өтіп жатырмыз», - деді университет басшысы.
Ол сондай-ақ бүгінгі таңда шешімдер қабылдау мен саяси анализдер әзірлеу үшін деректермен жұмыс дағдыларына ие болу маңызды екенін атап өтті.
Шара соңында LSEG өкілдері MNU студенттерімен тәжірибе алмасуға және ынтымақтастыққа дайын екендіктерін атап өтті.