Алматыда «Жайлы мектеп» ұлттық жобасы аясында 22 мектеп салынады

Атап айтқанда:

• Алатау ауданында – 6 мектеп;
• Алмалы ауданында – 1 мектеп;
• Әуезов ауданында – 1 мектеп;
• Бостандық ауданында – 3 мектеп;
• Жетісу ауданында – 1 мектеп;
• Медеу ауданында – 1 мектеп;
• Наурызбай ауданында – 5 мектеп;
• Түрксіб ауданында – 4 мектеп құрылысы жоспарланған.

Оның ішінде 23 100 орындық 13 мектептің құрылысына бірыңғай тапсырыс беруші – «Самұрық-Қазына құрылыс» АҚ. 

Алматы қаласы білім басқармасының баспасөз қызметінің Halyq Uni редакциясына берген жауабында қазір 13 учаскеде құрылыс-монтаждау жұмыстары жүргізіліп жатқанын көрсеткен.

12 мың орындық 8 мектепті меншік иелерінен тауар ретінде сатып алу, МЖӘ аясында «Алғабас» шағын ауданында 2 мың орындық 1 мектептің құрылысын бастау жоспарлануда. Қазіргі уақытта 13 учаскеде құрылыс-монтаждау жұмыстары жүргізілсе, 9 учаскеде жер телімдерін дайындау жұмыстары жүргізілуде: қоршау, геотехникалық іздестіру, қадаларды қазу, құрылыс техникасын жұмылдыру және т.б., - делінген ресми жауапта.