RUS
Марат Абиев қызметі азаматтарды құқыққа қайшы әрекеттер жасауға ынталандырумен ұштасатын қоғамдық бірлестікті (ҚК 404-бабының 1-бөлігі), сондай-ақ қоғамдық шараларды өткізу кезінде қоғамдық тәртіпті бұзу қаупін тудыратын жалған ақпарат таратумен айналысқан қоғамдық бірлестікті құрды және оған басшылық жасады (ҚК 274-бабы 4-бөлігінің 2) тармағы) деп айыпталған еді.
«Архитекторы будущего» заңсыз қорын құрушы Абиевке қатысты Астана қаласының қылмыстық істер жөніндегі ауданаралық сотының 2023 жылғы 21 тамыздағы үкіміне апелляциялық шағымдарды қарады.
Аталған үкіммен келіспеген сотталушы мен оның қорғаушылары оның кінәсін даулап, апелляциялық шағым түсірді.
Сот үкімімен А. ҚК-нің 274-бабы 4-бөлігінің 2) тармағында, 404-бабының 1-бөлігінде көзделген қылмыстар жасағаны үшін кінәлі деп танылды және қылмыстық құқық бұзушылықтар жиынтығы бойынша 5 жыл мерзімге қоғамдық бірлестіктерді құруға және басқаруға байланысты қызметпен айналысу құқығынан айырыла отырып, 7 жылға бас бостандығынан айырылған еді.
Сот үкімі заңды күшіне енді.
Еске сала кетсек, 2019 жылы Марат Абиев ауыл шаруашылығын дамыту, дәнді-бұршақты және майлы дақылдарды, оның ішінде тұқым шаруашылығын өсірумен айналысатын компания құрды. 2020 жылдың мамыр-маусым айларында ол Канададан Ақмола және Солтүстік Қазақстан облыстарының егістіктеріне егілген ауыл шаруашылығы дақылдарының тұқымын әкелді.
"2020 жылдың қыркүйегінде А. аталған фильмде таратылатын ақпараттың жалған екенін түсіне отырып, оны «YouTube» - те жариялады.
Сонымен қатар, 2020 жылдың қазан айында ол мемлекеттік органдарға өз компаниясының жобасын жүзеге асыру үшін егістік жерлерді беруді талап еткен. Осы өтініштерде ол сондай-ақ Солтүстік Қазақстан бойынша көрсеткіштен 4 есе асатын Канададан алынған тұқымдар негізінде қол жеткізген өнімділігі туралы көрінеу жалған ақпаратты көрсетті.
Бұдан әрі А. 2021 жылғы қаңтарда ҚР бойынша 15-тен астам филиал аша отырып, «Genezis» қауымдастығын («Архитекторы будущего» қоры) заңды тіркеусіз құрды.
Осы бірлестіктің қызметі аясында А. Үкіметке 5 млн. гектар жер беруді талап етіп, петицияға қол жинауды ұйымдастырған. Барлығы 300 мыңға жуық адам адастырылып, петицияға қол қойған", - делінген сот баспасөзінің хабарламасында.
Марат Абиев 2022 жылдың 26 қарашасында Астана қаласындағы түнгі клубта 300-ден астам адамды жинап, онда «Архитекторы будущего» фильмін көпшілік алдында көрсетіп, оның жобасын мақұлдауды талап ету мақсатында жиналғандарды «Ақорда» бағытында митингке шығуға шақырғаны үшін ұсталған еді.
Басқа да маңызды жаңалықтар Telegram арнамызда!