Қостанай облысындағы прокурорлар жылу тарифін 33,5% - ға төмендетті

Федоров ауданының прокуратурасы монополияға қарсы органмен бірлесіп Федоров ауданы әкімдігінің «Жылу орталығы» МКК монополияға қарсы заңнаманы сақтау мәселесі бойынша талдау жүргізді.

Талдау барысында тарифтік смета шығындарының баптарын бес пайыздан астам орындамауында көрсетілген бұзушылықтар анықталды, бұл табыстың негізсіз алынуына әкелді.

Сонымен қатар, амортизациялық аударымдар құралдарын мақсатсыз пайдалану фактілері анықталды.

2022 жылы негізсіз алынған табыс барлығы 51 млн. теңгені құрады.
Прокуратураның қадағалау актісі бойынша монополияға қарсы орган Федоровка ауылының тұрғындары үшін «Жылу орталығы» МКК өндіретін жылумен жабдықтау тарифін төмендету жөнінде шаралар қабылданды, сондай-ақ уақытша өтемдік тариф бекітілді және 500 тұтынушының құқықтары қорғалды.

Тұрғындарға келтірілген залалды өтеу мақсатында «Жылу орталығы» МКК 2023 жылғы 1 қарашадан бастап тариф 11 183,83 теңгеден 7 435,58 теңгеге дейін, яғни 33,5%-ға төмендетілетін болады.

Басқа да маңызды жаңалықтар Telegram арнамызда!