Сара Назарбаева институты мен «Жас ұлан» мектебінің атауы өзгертіледі

Бұл санға Нұрсұлтан Назарбаевтың әйелі негізін қалаған «Адамды үйлесімді дамытудың ұлттық институты» кіреді. Енді ол «Өркен» ұлттық ғылыми-практикалық балалардың хал-ахуалы институты» КЕАҚ деп аталады.

Сондай-ақ Рудный индустриалды институты «Рудный индустриалды университеті» деп өзгерді.

Бауыржан Момышұлы атындағы «Жас Ұлан» Алматы республикалық мектебі – Бауыржан Момышұлы атындағы Әскери колледжге ауысты.

Кеңес Одағының екі мәрте Батыры Талғат Якупбекұлы Бигелдинов атындағы «Жас Ұлан» Қарағанды республикалық мектебі – Талғат Бигелдинов атындағы Әскери колледжге ауысты.

Кеңес Одағының Батыры Сабыр Рахымов атындағы «Жас Ұлан» Шымкент республикалық мектебі – Сабыр Рахымов атындағы Әскери колледжге ауысты.

Ішкі істер министрлігі Қылмыстық-атқару жүйесі комитетінің Оқу орталығы – Ішкі істер министрлігінің оқу орталығына ауысты.

Электр энергиясы мен қуаты нарығының қазақстандық операторы – қазақ тіліндегі толық атауы: «Электр энергиясы мен қуаты нарығының қазақстандық операторлары» деп өзгертілді.