RUS
Қарағандылық 19 жастағы жүзуші Диас Кенжебек Ханчжоуда жүзуден алтын медаль иегері атанды. Ол 100 м қашықтықты 1:05:42-де жүзіп өтіп, Азия мен Азия пара ойындарының рекордын жаңартты.
"Азиадада Қазақстан құрамасы дәстүрлі түрде осы спорт түрінен өте жақсы нәтиже көрсетіп келеді. Команданың жаттықтырушылар штабына ерекше алғыс. Ел сіздердің еңбектеріңізді мақтан тұтады!"— деді ҚР Туризм және спорт министрі Ермек Маржықпаев.
Қарағанды облысының мүгедектер спорты мектебінде Диас Кенжебек 2013 жылдан бері оқиды. Есту және тірек-қимыл аппараты зақымдалған спортшы. Халықаралық дәрежедегі спорт шебері, Қазақстанның бірнеше дүркін чемпионы, Паралимпиада ойындарының, ҚР спартакиадаларының, жүзуден халықаралық турнирлердің жеңімпазы.
Әлем Кубогы кезеңінде (Берлин, 2018 ж.), IWAS (Португалия, 2022 ж.), Дүниежүзілік пара жүзу сериясында (Сингапур, 2023 ж.) алтын медаль жеңіп алды, әлем кубогы сериясының жүлдегері (Италия, 2022 ж.), есту қабілеті нашар спортшылар арасында жүзуден әлем чемпионатының қатысушысы (Буэнос-Айрес, 2023, бесінші орын).
Диас Кенжебекті Светлана Кучина жаттықтырады.