Қазақстан Азия Пара ойындарын 8 алтын жүлдемен аяқтады

30.10.2023, 14:10
650
Қазақстан Азия Пара ойындарын 8 алтын жүлдемен аяқтады gov.kz

Қазақстан спортшылары Қытайдың Ханчжоу қаласында өткен IV Азия Пара ойындарын аяқтады.

Бұл додада 131 отандасымыз спорттың 14 түрінен қатысып, 8 алтын, 12 күміс және 21 қола медальмен командалық есепте 11-орынға ие болды. Жарыста спортшыларымыз, 3 Азия және 4 Азия Пара ойындарының рекордын жасады.

Пара каноэде Бибарыс Спатай KL2 және VL3 санатында қос күміс медальді иеленсе, Жалғас Тайкенов KL3 санатында күміс жүлдегер атанды. Ал Жаныл Балтабаева KL3 санаты, Максим Богатырев KL1 санаты бойынша қола жүлдеге ие болды.

Пара пауэрлифтингте Давид Дегтярев Азия Пара ойындарында алғашқы алтын медальді жеңіп алды. 54 кг салмақ дәрежесінде өнер көрсеткен ол 186 кг зілтемірді көтеріп, Азия және Азия Пара ойындарының рекордын жаңартты. Ал 41 келі салмақта Тұрсынай Қабыл мен 73 келіде Раушан Қойшыбаева  күміс медальді жеңіп алды. 45 келіде Гүлім Құрманбаева мен 88 келіге дейінгі салмақ дәрежесінде өнер көрсеткен Рахметжан Хамаев қола жүлдені қанағат тұтты.

Пара дзюдо күресінде Ақмарал Науатбек (45 кг/ J2), Ерғали Шамей (73 кг/ J1) мен Олжас Оразалыұлы (73 кг/ J2) алтын медальді жеңіп алды. Күміс жүлдеге Асылан Нұрдәулетов (73 кг/ J1), Жанбота Аманжол (-90 кг/ J2), Зарина Раифова (70 кг/ J2) және Ерлан Өтепов (+90 кг/ J2) ие болды.  Ал Бауыржан Арстанбек (-90 кг/ J1), Даяна Федосова (52 кг/ J2), Динара Куджулова (70 кг/ J1), Ғалымжан Смағұлұлы (-90 кг/ J2), Ерлан Конкиев (+90 кг/ J2),Талғат Әжіғалиев (+90 кг/ J2) пен Әнуар Сариев (60 кг/ J2) қола жүлдені еншіледі.  Ұлттық құрама дзюдо күресінен командалық есепте екінші орынға жайғасты.

Пара жеңіл атлетикада Дастан Мұқашбеков ядро лақтырудан алтын медаль иегері атанды. Ол ядроны 15,74 метрге лақтырып, Азия және Азия Пара ойындарының рекордын жаңартты. Сондай-ақ, осы санатта Иван Зелезняк ядроны 12,39 метрге жіберіп, қола медальді жеңіп алды. Ал екінші орын БАӘ спортшысына бұйырды.

Пара жүзуден Нұрдәулет Жұмағали екі алтын жеңіп алды (100 м брасс және 200 м комплекстік стиль). Оған қоса 200 метр кешенді жүзуде Азия Пара ойындарының рекордын жаңартты. Диас Кенжебек 100 метр қашықтықты 1 минут 05:42 секундтта жүзіп өтіп, Азия және Азия Пара ойындарының рекордын жағартып, ел қоржынына жетінші  алтын медальді алды. Ал Нұрәлі Советқанов 100 метр брасста, Роман Потапов 100 метр шалқалап жүзуде және 4х50 м аралас кешенді эстафетада өнер көрсеткен Зульфия Габидуллина,  Сиязбек Далиев,  Наталья Звягинцева мен Айсұлтан Кулкаев қола медаль иеленді.

Пара таеквондода Нышан  Өмірәлі (80 кг) мен Камиля Досмалова (57 кг) күміс жүлдегер атанса, Мариям Салимгереева (65 кг), Нұрлан Донбаев (80 кг) пен Алишер Гариполлаев (+80 кг) қола жүлдегер болды.

Шахматтан ерлер командасы қола медаль жеңіп алды. Жұптық команда сапында Әлімжан Аяпов пен Серік Солтанов өнер көрсетті.

Пара велоспортта Сейтжан Кенжеғұл мен оның пилоты Антон Лаврентьев қола жүлдегер атанды. Сондай-ақ, жекелей уақыт есебіндегі бәсекеде Сейітжан ел қоржынына тағы қола медаль салды.

Волейболды отырып ойнауда ұлттық құрама спортшылары күміс жүлдеге ие болды. Спортшыларымыз жартылай финалда алаң қожайындары Қытай елінің командасын 3:2 есебімен жеңіп, финалдық кездесуде әлемнің және Азияның бірнеше дүркін чемпионы Иран мемлекетіне 3:0 есебімен есе жіберді.

Еске сала кетсек, өткен 2018 жығы Индонезия өткен Азия Пара ойындарында Қазақстан құрамасы 33 медальмен (5 алтын, 15 күміс, 13 қола) 13 орынға табан тіреген болатын.

IV Азия Пара ойындары 22-28 қазан аралығында Қытайдың Ханчжоу қаласында өтті. Жарысқа 43 мемлекеттен 4000-ға жуық спортшы қатысты.

«Біз жарақатты бірден таңдық»: ұландықтар ер адамның өмірін сақтап қалды Су бар, бірақ жүйе қайда? Астанада Аutism Talks жыл сайынғы кездесу өтті «Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО)