RUS
А. Байтұрсынұлы атындағы Қостанай өңірлік университеті мен Оңтүстік Корея университеті Dong-Eui арасында машина жасау саласында кадрлар даярлау жөніндегі ынтымақтастық туралы меморандумға қол қою рәсімі өтті. Құжаттарға ректор Сейтбек Қуанышбаев пен Dong-Eui университетінің президенті доктор Хан Су Уон (Dr. SooWhan Han) қол қойды.
Dong-Eui - Оңтүстік Кореядағы ең көне жеке университеттердің бірі, ол әлемге әйгілі «Hyundai» автомобиль корпорациясымен тығыз жұмыс істейді, сондықтан жоғары оқу орны түлектерді жұмысқа орналастыру бойынша өңірлік көшбасшы болып табылады. Кадрлар даярлау мәселесінде қазақстандық әріптестерімен бөлісетіндері көп.
«Біз Хюндай зауытына кадрлар даярлауда мол тәжірибесі бар Оңтүстік Кореяның Dong–Eui (Тонг-Ый) университетімен ынтымақтастыққа өте қуаныштымыз. Біздің университет, өздеріңіз білетіндей, Қазақстанның машина жасау саласы, оның ішінде облыс аумағындағы зауыттар үшін кадрлар даярлау жөніндегі базалық ЖОО болып табылады. Хан Су Уон мырзаға алғысымды білдіргім келеді және біздің ынтымақтастығымыз жемісті болады, ал бірлескен зерттеу жобаларымыз өндіріске енгізіледі деп үміттенемін», - деді ректор Сейтбек Қуанышбаев.