RUS
Қарағанды NIS 9-сынып оқушысы Алидар Айтжанов Жезқазғанда Қаныш Сәтбаев атындағы республикалық химия пәні бойынша олимпиадада бірінші орын алды. Пәнді білу және заттарды химиялық қасиеттері бойынша тани білуде еліміздің барлық өңірлерінен 76 оқушы бақ сынасты.
Олимпиада екі кезеңнен құралды – теориялық және практикалық. Теориялық тур 9-сыныптағы бүкіл химия курсын қамтыды және сегіз тапсырмадан құралды. Практикалық турда заттарды химиялық қасиеттері бойынша тану қажет болды.
– Олимпиада жақсы әсер қалдырды. Зияткерлік жарыстарды лайықты ұйымдастыру, практикалық тур өзгеше және қиын болды. Мен үшін олимпиада – білім мен мүмкіндіктерді тексеру. Бұл жарыстар әзірге менің ең үлкен жетістігім. Мен үш жыл бойы олимпиадалық химиямен айналысып келемін, – дейді Алидар Айтжанов. – Сондай-ақ қызықты экскурсиялар болды. Қаныш Сәтбаевтың үй-мұражайына және Жездідегі тау-кен және балқыту тарихы мұражайына сапарлар есте қалды, онда бізге көптеген экспонаттар көрсетілді.
Алидар Айтжановтың жетекшісі – Қарағанды NIS химия пәнінің мұғалімі Смағұл Жүсіпов.
Қазақстан мен Орта Азияның КСРО-дағы тұңғыш академигі, Қазақстан Ғылым Академиясының тұңғыш Президенті Қаныш Сәтбаевтың құрметіне Олимпиада жыл сайын өткізіліп тұрады және дарынды оқушыларды анықтауға және қолдауға бағытталған.