RUS
Әлемдегі алғашқы ұлттық деңгейдегі импорттық тақырыптағы көрме саналатын Қытайдың халықаралық импорттық тауарлар көрмесі (CIIE) тағы да іскерлік көрмені, елдер көрмесін, "Хунцяо" Халықаралық экономикалық форумын, бірқатар ауқымды іс-шараларды, сондай-ақ гуманитарлық алмасу іс-шараларын өткізбек.
Биыл көрмедегі кәсіпкерлік бизнестің көрмесі сапасы мен тиімділігі жағынан едәуір жақсарған: экспозиция аясы ғана емес, сондай-ақ экспоненттердің сапасы да артқан. Ағымдағы жылы бизнес-көрмеге әлемдегі ең ірі 500 кәсіпорын мен өнеркәсіп алыптарының 289-ы қатыспақ. Оның ішінде 15 ірі әлемдік автомобиль брендтері, 10 ірі өнеркәсіптік электротехника компаниялары, 10 ірі медициналық жабдықтар компаниялары, үш ірі тау-кен алыптары, төрт ірі астық трейдерлері және бес ірі жүк тасымалдау компаниялары болмақ. 1500-ге жуық шағын және орта кәсіпорындар да осы көрмеде өз өнімдерін ұсынады.
Алты көрме бағытында 400-ден астам жаңа өнімдер, технологиялар мен қызметтер көрсетілмек. Олар:
• азық-түлік пен ауыл шаруашылығы өнімдері павильоны,
• автомобильдер павильоны,
• қызметтер саудасы павильоны,
• тұтыну тауарлары павильоны,
• медициналық аспаптар, фармацевтика және денсаулық сақтау павильоны,
• сондай-ақ технологиялар мен жабдықтар павильоны.
Қытайдың алтыншы халықаралық импорттық тауарлар көрмесі аясында елдердің физикалық көрмесі қайта өтеді. Он бір ел, соның ішінде Бахрейн, Орталық Африка Республикасы, Доминика Достастығы, Гамбия, Гвинея-Бисау, Гондурас, Мали, Оман, Сьерра-Леоне, Того және Зимбабве мемлекеттері ел көрмесіне алғаш рет қатыспақ. Биылғы жылы құрметті қонақтар қатарына Гондурас, Қазақстан, Сербия, Оңтүстік Африка және Вьетнам сияқты бес елдің өкілдері кірді.
"Бір белдеу, бір жол" бастамасының 10 жылдығы аясында көрмеге осы бастамаға қатысатын көптеген елдер қатысады. Биылғы ұлттық көрме-жәрмеңкенің 72 экспонентінің 64-і "Бір белдеу, бір жол" құрамындағы елдерден қатысса, қазіргі уақытта "Бір белдеу, бір жол" қатысушы елдерден 1500-ден астам кәсіпорын 6-шы жәрмеңкеге қатысуға қол қойған. Ол жалпы көрме алаңындағы 80 мың шаршы метрді құрайды. Бұл көрсеткіш алдыңғы жәрмеңкеге қарағанда шамамен 30%-ға көп.
Сонымен қатар Қытайдың халықаралық импорттық тауарлар көрмесі (CIIE) "Бір белдеу, бір жол" бастамасына қатысушы елдерге қытай нарығына тегін стендтер, құрылыс субсидиялары мен салық жеңілдіктерін ұсына отырып, премиум өнімдерін ұсынуға шақырды.
Қытайдың халықаралық импорттық тауарлар көрмесінің (CIIE) ажырамас бөлігі "Хунцяо" Халықаралық экономикалық форумы кіреді. Форум тақырыбы биыл жаһандық ашықтық, "жасыл" даму, цифрлық экономика және "ақылды" технологиялар мәселелеріне арналады.
Кейбір сессиялар БҰҰ-ның сауда және даму жөніндегі конференциясы, БҰҰ-ның Даму Бағдарламасы, БҰҰ-ның өнеркәсіптік даму жөніндегі ұйымы, халықаралық сауда орталығы, БҰҰ-ның жаһандық шарты және т.с.с. халықаралық ұйымдармен бірлесіп өткізілмек.
Нобель сыйлығының лауреаттары, Тьюриң сыйлығының лауреаттары, әлемдегі ең ірі 500 кәсіпорын және көптеген танымал кәсіпкерлер бірнеше кіші форумдарға қатысып, әлемдік мәселелерге деген көзқарастарымен бөліседі. Форум аясында беделді баяндамалар, соның ішінде 2023 жылғы әлемнің ашықтығы туралы есебі жарияланады.