RUS
6-шы Қытай халықаралық импорт көрмесіне қатысушылардың делегация басшылары кездесті.
Ауқымды іс-шараның ресми ашылуы 5 қарашада Шанхай қаласында өтеді.
Естеріңізге сала кетейік, көрме қарсаңында Қазақстан Үкіметінің басшысы ҚХР Мемлекеттік кеңесінің Премьері Ли Цянмен келіссөздер жүргізді. Кездесуде екіжақты ынтымақтастықтың өзекті мәселелері талқыланды.
Өз тарапынан ҚХР Мемлекеттік кеңесінің премьері Қытай мен Қазақстан арасында құбылмалы халықаралық жағдайдың сынақтарынан сәтті өткен өнімді көпқырлы ынтымақтастық орнағанын атап өтті.
«Мемлекеттеріміздің басшылары қарым-қатынасымызды одан әрі дамытудың басым міндеттері мен бағыттарын белгіледі. Біз қазақстандық әріптестерімізбен осы жоғары деңгейдегі келісімдерді іс жүзіне асыру үшін күш-жігер жұмсауға дайынбыз. Мұндай ынтымақтастық біздің халықтарымыздың өмір сүру деңгейіне оң әсер етеді», — деді Ли Цян.