RUS
"Коль ба-рама" радиостанциясына берген сұхбатында Израиль министрі "нацистерге гуманитарлық көмек берілмейтінін” мәлімдеді. Жүргізушінің атом бомбасын тастауға қатысты қойған сұрағына министр былай деп жауап берді:
"Бұл да бір нұсқа. Екіншісі – олар үшін шынымен не маңызды екенін тексеру...", – деді Элиягу.
Жүргізушінің 240-тан астам кепілге алынған адамдар бар кезде атом бомбасын қалай тастайтынын сұрады.
"ХАМАС-ты кепілге алынғандарды қайтаруға көндіру керек. Соғыста шығынға дайын болу керек. Неліктен кепілге алынған адамдардың өмірі сарбаздардың өмірінен маңыздырақ?", – деп жауап берді министр.
Оның айтуынша, ХАМАС содырлары өлімнен қорықпайды, сондықтан оларды қорқытатын басқа нәрсе табу керек. Ол, сондай-ақ, арабтарды Газадан шығаруға шақырды.
Министрдің бұл сөзі наразылық тудырды. Израиль премьер-министрі Элияхудың мәлімдемелерін жоққа шығарып, шындыққа жанаспайтынын түсіндірді. Министр үкімет отырыстарына қатысудан шеттетілді.
"Израиль ең жоғары моральдық стандарттарға сәйкес әрекет етеді, соғысқа қатысы жоқ адамдардың өліміне жол бермеу үшін халықаралық құқықты сақтайды. Біз жеңіске жеткенше осылай әрекет етеміз", – деді Нетаньяху.