Жарықтың сөнгенін пайдаланған елордалық азамат бизнес орталықтың қоймасына ұрлыққа түскен

Бизнес орталық қоймасының аумағынан ылғал желден қорғайтын матаның бес орамы ұрланған. Жедел-іздестіру іс-шараларын өткізу кезінде Байқоңыр ауданының полицейлері ЖШС бұрынғы күзетшісінің аталған ұрлыққа қатысы барын анықтады.

48 жастағы қызметкер жарықтың сөнуін пайдаланып, қоймаға кіріп, ТМҚ-ны алып шығып, 200 мыңнан астам теңгеге шығын келтіргені анықталды. Кейіннен ол ұрланған орамдарды басқа қалаға жіберген.

Аталған фактіге қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр. Ер адам мойындау көрсетпелерін берді, оның елорда аумағында бұрын жасалған осыған ұқсас қылмыстарға қатысы бар-жоғы тексеріліп жатыр.