RUS
SmartNews.kz басылымының дерегінше, Гастро-орталық өз Instagram парақшасында "BAU" мейрамханасына қатысты мәлімдеме жасады. Олар Салтанат Нүкенованың жақындарына көңіл айта отырып, тергеу ісіне көмектесетінін жазды.
"Гастро-орталықтың" басшылығы мен қызметкерлері тергеу іс-шараларына көмектесу үшін барлық күш-жігерін салып жатыр. Біз қоғамның ренішіне ортақпыз: зорлық-зомбылықты ақтап алуға себеп жоқ, - деді орталық хабарламасында.
Қазіргі жағдайға байланысты орталықта бірқатар шешімдер қабылданған:
- құрылтайшылардың бірауыздан шешімімен "BAU" мейрамханасының иелерімен жалдау шарты бұзылды;
- "Гастро-орталықтың" жаңа директоры тағайындалды;
- "Гастро-орталықты" күзету жөніндегі қауіпсіздік шаралары күшейтілетін болады: күзет қызметтерін көрсететін ұйымдармен келіссөздер жүргізілуде.
Орталық дерегінше, Нүкенова қайтыс болған "BAU" мейрамханасы "Гастро-орталықтағы" орынды жалға алған 30 мекеменің бірі.