RUS
SmartNews.kz басылымының дерегінше, Тұңғыш Президент інісі Болат Назарбаевтың қазасына қатысты үндеуін жариялады.
Інімнің мезгілсіз қайтыс болуына орай айтылған жылы сөздер мен шынайы тілектеріңізге ризашылығымды білдіремін. Осындай ауыр сәтте сіздердің көрсеткен қолдауларыңыз маған күш-қуат берді.
Жақын адамнан айырылу орны толмас қасірет. Ол ұзақ жылдар бойы ауырды, бірақ бізге ешқашан қиналғанын білдіртпеді.
Соңғы күндері бірқатар елдің басшыларынан көңіл айту жеделхаттарын алып жатырмын. Сондай-ақ, маған еліміздің саяси және қоғам қайраткерлерінен, депуттатар мен дипломаттардан, діни қызметкерлер мен бизнес қоғамдастық өкілдерінен, сондай-ақ көптеген қазақстандықтардан хаттар келіп түсті.
Қайғымды бөлісіп, қолдау білдірген барлық жанға алғысымды айтамын.
Шынайы ниеттеріңізге көп рахмет, - дейді Нұрсұлтан Назарбаев.
Естеріңізге сала кетейік, Болат Назарбаев - 13 қазанда сағат 9.51-де 70 жасында көз жұмды. Реанимация бөліміне жатқызылғанмен, жүрегі тоқтап қайтыс болған еді.