RUS
Smart News басылымының хабарлауынша, 2 жастағы баланы психикалық ауытқуы бар туыс ағасы 4-қабаттан лақтырып жіберген болатын. Өмір мен өлім арасында арпалысқан бүлдіршін мидың, омыртқа бағанының, кеуде қуысының және іш қуысының ауыр жарақатына шыдамай көз жұмған. Бұл туралы балалар омбудсмені Жаннета Жазықбаева өзінің Facebook парақшасында жазды.
- Сағат 18:39-да бас дәрігер "Өкінішке орай, реанимациялық шараларға қарамастан баланың жүрегі тоқтап қалды. Ата-анасы шақырылды" деді. Ата-анасының баланы дұрыс қарамауының кесірінен, міне, тағы бір бала қайтыс болды... - деп жазды омбудсмен.
Ал Massaget басылымының жазуынша, көршілері марқұм болған бүлдіршін анасының көптен күткен жалғыз баласы екенін айтқан. Олардың сөзінше, әйел бауырлары мен баласын асырау үшін бірнеше жұмыс істеген.
Белгілі болғандай, Жаннета Жазықбаева баланың өліміне күдікті саналған 40 жастағы ер адам баланың нағашысы болғанын айта кетті.