RUS
Израильдің ХАМАС-қа қарсы соғысындағы үзілістен кейін Газа секторындағы израильдік кепілге алынғандардың алғашқы легі босатылды. Оның барлығы 7 қазанда Нир-Озда тұтқынға алынған. Бостандыққа шыққандар туралы тағы не белгілі? Бұл туралы AstanaTV арнасы жазды.
Израиль мен ХАМАС арасындағы келісім аясында кепілге алынған 13 адам — әйелдер мен балалар үйіне қайтарылды.
Бұдан бөлек, 10 Таиланд азаматы мен бір филиппиндік келісімнен тыс босатылды.
Уақытша бітім шартына сәйкес, жұма күні таңертең басталған төрт күндік үзіліс кезінде барлығы 50 израильдік босатылуы тиіс.
ХАМАС келісімге сәйкес 150 палестиналық әйел мен жасөспірім Израиль түрмесінен босатылып, Газа секторына гуманитарлық көмек, дәрі-дәрмек және жанармай тиелген жүздеген жүк көліктері кіргізілетінін мәлімдеді.
Газа секторының шекарасына жақын орналасқан Нир-Оздан тұтқынға алынғандар: 78 жастағы Маргалит Мозес, 72 жастағы Адина Моше, 44 жастағы Даниэль Алони және оның алты жасар қызы Эмилия, Алонидің 34 жастағы сіңлісі және оның күйеуі үш жасар егіз қыздарымен бірге қонақта отырған жерінен тұтқынға алынған.
34 жастағы Дорон Кац-Ашер мен оның екі қызы — төрт жастағы Раз және екі жасар Авив те Газа шекарасына жақын туыстарының үйінде болған кезде тұтқынға алынған.
Израильдік ресми тұлғалардың хабарлауынша, тоғыз жасар Охад Мундар, оның 54 жастағы анасы Керен Мундар және 78 жастағы әжесі Рути Мундар да Нир-Оздан ұрланған.
Жалпы алғанда үйіне оралған 12 адамның есімі белгілі: 78 жастағы Маргалит Мозес, 72 жастағы Адина Моше, 44 жастағы Даниэль Алони мен оның 6 жасар қызы Эмилия, 34 жастағы Дорон Кац-Ашер және оның екі егіз қызы - төрт жасар Раз бен екі жасар Авив, тоғыз жасар Охад Мундар, оның 54 жастағы анасы Керен Мундар мен 78 жастағы әжесі Рути Мундер, 79 жастағы Хана Пери, 85 жастағы Яфа Адар.