SmartNews сайтының хабарлауынша, танымал актер Жахан Отарғалиев ажырасқалы алғаш рет отбасылық өміріне қатысты пікір білдірді. Ол бұрынғы КешYou тобының әншісі Балжан Бидашға үйленген еді.
Актер экс-жұбайы Балжанды қатты жақсы көргенін айтты.
"Көптен бері байқаған шығарсыздар, күйзелісте жүрмін. Өмір тоқтап қалған сияқты жүрмін. Бірақ қазір күлкім келіп отыр. Қазір бәрі артта қалды. Қазір сіздер Жахан Балжанды жамандайды деп ойлап отырған шығарсыздар. Себебі, Балжанды өте қатты жақсы көрдім. Біздің отбасылық өмірімізде қиын кезеңдерден гөрі бақытты сәттер көп болды. Сол себептен мен ешкімді жамандайын деп отырған жоқпын", - дейді Балжанның бұрынғы күйеуі.
Сонымен қатар, актер ажырасқан соң ауыр күйзеліске түсіп, өзіне ота жасатқанын айтты.
"Күйзеліс салдарынан бір айда екі ота жасаттым. Дәрігерім "Жахан, ауырып, ешкімге керек емес болып қаламын десең, күйзеліске түсе бер. Өмір сүрем десең, есіңді жи" деді. Сонымен ештеңеге қарамастан теріс ойдың бәрін тастаймын деп шештім", - дейді Жахан.