RUS
АҚШ билігі Украинаға жоғары дәлдікті GLSDB (Ground Launched Small Diameter Bomb) ракетасын жеткізуді 2024 жылға шегерді. Бұл туралы Azattyq радиосы хабарлады.
Бастапқыда ракетаның ірі партиясы биыл наурызда жеткізілетіні хабарланған. Алайда ақпанда GLSDB жылдың екінші бөлігінде жеткізілетіні айтылды.
Енді ақпарат агенттігінің дереккөзінің айтуынша, негізгі мердігер Boeing компаниясы АҚШ билігіне ракеталарды 2023 жылы желтоқсанда береді, одан кейін бірнеше ай сыналып, тек содан кейін Украинаға жөнелтілмек.
Мәселе 150 шақырымға дейін ұшатын жоғары дәлдікті ракета жөнінде болып отыр. Аталған жүйе ракеталық қозғалтқышы бар диаметрі шағын бомбадан құралған. Өздігінен дәлдей алатын ракетаны HIMARS қондырғысынан да ұшыруға болады. Ол жүріп бара жатқан нысананы 160 шақырым қашықтықтан атып түсіре алады. Ол украин әскері қазір қолданып жатқан ракеталардан әлдеқайда алысқа ұшады.