RUS
Үкіметтің мәліметінше, 2023 жылы Қазақстанда педагогикалық қызметкерлердің тапшылығы 4 мыңға жуық.
«Карьералық перспектива мен жақсы әріптестер болғанына қарамастан, маған бірдеңе жетіспей жүрді. Менің барлық отбасым білім саласында жұмыс істейді. Бір кезде ағам Teach for Qazaqstan бағдарламасы туралы ақпарат жіберген кезде, менде сол жерге қатысқым келетінін түсіндім», - дейді Жандос Айдарханов Еуразия ұлттық университетінің ақпараттық технология факультетінің түлегі.
Teach for Qasaqstan өмірінің 2 жылын педагог мамандығын оқымаған кәсіби мамандарға жергілікті мектепте жұмыс істеуге мүмкіндік береді. Ұйым 62 елде тәуелсіз серіктес ұйымдардан тұрады. Ал 2023 жылдың мамыр айында Teach for Qasaqstan Teach for all-дың толыққанды серіктесіне айналды. Қазір әлеуметтік жобаның 30 түлегі Қарағанды облысының мектептерінде жұмыс істеп жатыр.
Фото: Bilimdinews.kz
Қоғамдық қордың негізін қалаушылардың бірі Гүлнара Салмен «Narikbi Live» ютуб каналына берген сұхбатында:
Мысалы, белгілі бір программист ретінде бағдарламаға келіп, өтінішіңізді тапсырып, іріктеуден өтесіз. Іріктеуде құндылылық пен мотивацияңызды, әрі пәндік білім мен коммуникативті дағдыларыңызды тексереді. Егер одан өтсеңіз, қайта даярлар бағдарламасына серіктесіміз СДУ университетіне тіркеліп, шамамен 3,5 ай оқисыз. Оқу кезінде еліміздің талабы бойынша пәндік біліміңізді тексеретін тест тапсырасыз. Жоба серіктес мектептерді тауып, вакансиясын анықтайды. Ал өзіңіз басқа тұлғалар сияқты резюмеңізді жүктеп, мектеп директорының іріктеуінен өтесіз. Содан кейін тамыз айының 20-сына қарай құжаттарыңызды мектепке тапсырып, сағат санын айқындап, 1 қыркүйектен бастап 2 жыл бойы жұмыс жасайсыз. Осы аралықта жоба сізді оқытады, 1-2 айда бір рет әдіскерлермен кездесіп тұрасыз. Мысалы, сыныпта мінезі бұзық бала болса, ал сіз ол баламен қалай жұмыс жасауды білмесеңіз, әдіскерге хабарласып кеңес ала аласыз.
Teach for Qazaqstan жобасы 2024 жылы 100 үміткерді іріктеп, 2 облыс және 45 мектеппен серіктестік орнатуды көздейді. 2004 жылғы Mathematica Policy Research-тың дерегіне сүйенсек, Teach for America cтуденттері оқу және математика саласы бойынша прогресс жасаған. Сонымен қатар, басқа елдердің мысалы секілді қатысушылар жергілікті мектептердің мәселесін білу арқылы мемлекеттік салада, білім басқармасында жұмыс істей алады.
Автор: Базарбаев Руслан