RUS
Қазіргі таңда 12,1% адам әлеуметтік фобиядан зардап шегеді. Көбісі бұл психикалық бұзылуды нәзіктік, әлсіздік белгісі деп таниды. Социфобия болашақта қандай ауруға айналуы мүмкін?
Социофобия - адамдармен қарым-қатынасқа түсу қорқынышы: кез келген сөйлесу, қоғамдық орындар. Бұл мәселе тек адамның жеке өміріне емес, сонымен қатар жұмыс, оқу барысында қатер тудырады. Қоғамдық жерлерден қорқатын адамдар өздерінің әріптестерімен ортақ тіл таппайды, көп назар жақсы көрмегендіктен, өзін дамыту үшін әртүрлі жобаларға қатыса алмайды.
Социофобияға шалдыққан адамдар күлкіге қалуға, сынаудан қорқады. Сол себепті, оларды еріксіз бір жобаға қатыстырса, ол қатты қобалжып, денсаулығына стресс алуы мүмкін. Кейін бұл оған өз ойын анық жеткізуге, харизмасын дамытуға кері әсер тигізеді, ал бұл адамды өзіне қарата алу, жұмсақ дағдылардың бірі.
Зерттеулердің нәтижесі бойынша әлеуметтік фобиямен ауратын адам миының эмоция мен сезімге жауап беретін бөлігі қарқынды, дамылсыз жұмыс істейді. Егер олардың өмірінде әдеттен тыс жағдай болса, сол ми бөлігінің қыртысы қысым алады және адамның ойлау қабілеті баяулайды, жүрегі тез дүрсілдей бастайды. Кәдімгі адамның миы шын мәселені анықтай алады және өзін ерікті ұстайды.
Әлеуметтік фобиясы бар адамдар көбінесе психологиялық аурудың қаупін түсінбейді де, терапист, психолог маманынан көмек сұрамайды, ал кейбіреуі одан ұялады. Ол туралы әйгілі голливуд актеры Том Холланд:
«Мен әрдайым адамдардың мен туралы не айтататынын аңдып жүретін едім. Ол маған қатты кері әсер тигізді, сол себепті мен өзімді ол ойлардаң демалтырдым. Егер де сіз өзіңізді нашар сезінсеңіз , жұмыстағы, оқудағы басшыңызға түсіністікпен қарауды сұраңыз. Достарыңыздан, психологтан көмек сұрауды қорықпаңыз», - деп баяндайды.
Бұл психологиялық бұзылу сіздің өміріңізді қиындатады. Сіз көптеген қалыпты заттарды жасауға қорқа бастайсыз. Адамдардың ойы сізді мазаландырады да, ауруға шалдықтырады. Осы аталып кеткен себептер үшін Том Холландтың ұсынысын ойға алыңыз.
Автор: Тагибергенова Айнур