RUS
"Менде танымал блогерлерден Рысбаламен конфликт болды. Үлкен конфликт болды. Бірақ мен ол кісіге мүлдем жауап қайтарып, ұрыспадым. Күйеуім Бақтияр екеуміз мұқтаж отбасыға баспана алып бермек болып, халықтан ақша жинаймыз. Әкем қайтыс болатын кезде еді. Үй алып береміз деп ниеттендік. Бастапқыда 800 000 мың теңге жиналды.
Бірақ одан кейін Астанаға тойға кетіп қалдық. Рысбала жазып қоймады. Алматыға жеткен соң беремін дедім. Қанша жиналады, барлығын беремін. Бар ниетім үй алып беру болды. Ол маған жауапкершіліксіз қарап жатырсыз деп ұрысты.
Астанадан келіп, үйге келдім. Ойымда түк жоқ. Үйге келсек, бүкіл әулет жиналып қалған. Мен түсінбей қалдым, сол кезде әкемнің өлімін естідім. Қатты күйзелдім. Аяқ астынан ауылға кеттім. Сол уақытта ол мені жамандап, "халықтан ақша жинап, бермей жатыр" деп аудиториясына жазды.
800 мың теңгені табыстап, одан кейін қайырымдылықпен айналыспаймын деп шештім. Осыдан кейін көп нәрсеге жауапкершілікпен қарауға тырыстым," - деді блогер.
Бұл сұхбатты естіген Рысбала ашуланып, әлеуметтік желіге жазба жариялады.
“Ешкіммен ұрыспай, өз жолыңмен жұмысыңды жасап, тыныш отырсаң, өздері осылай бықсытады. Сымбат, қатқан боқты рейтинг үшін жібітпей, менен аулақ жүр. Мына жерде қанша жиналды деп әңгіме айтқан мен емес, мұқтаж отбасыдағы ана. Әңгіменің ашығы, бір отбасыға сбор аштың, сол халықтың жинаған ақшасын бермей айлап жүріп алдың. “Ананың тойы”, “мынау өлді” деп. Мұқтаж ана маған өтініш жасап жазған соң, саған ақшасын бер деп шықтым. Оған халық куә”, – деп жауап берді.
