RUS
Smartnews.kz сайтының хабарлауынша, ҚР жоғары және жоғары оқу орнынан кейінгі білім беру ұйымдары ректорлары кеңесінің төрағасы, ЕҰУ ректоры Ерлан Сыдықов COMSTECH мүше елдердің ЖОО ректорларының IV конференциясында сөз сөйледі. Халықаралық шараға әлемнің 150-ге жуық университетінің өкілдері қатысты.
Конференция барысында Ерлан Сыдықов жоғары білім беру саласындағы негізгі үрдістер, ғылыми зерттеулерді жүргізудің жаңа тәсілдері, мемлекеттік тарапынан ғылыми қызметті қолдау жүйесі, ЕҰУ алдындағы ғылым және интернационалдандыру бағытындағы міндеттер туралы айтып берді.
ҚР жоғары және жоғары оқу орнынан кейінгі білім беру ұйымдары ректорлары кеңесінің төрағасы интернационалдандыруды дамыту үнемі ЖОО қызметінің даму үрдісі ретінде қала беретінін атап өтті. Осыған байланысты ЕҰУ COMSTECH құрамына кіретін елдерді қоса алғанда, әлемнің 50-ден астам елімен жемісті ғылыми ынтымақтастықты дамытуға баса назар аударады.
ЕҰУ конференциясы аясында ЕҰУ 5 шетелдік жоғары оқу орнымен меморандумдарға қол қойды: Халықаралық ғылым, өнер және технология институты, Лахор университеті, Бахрия университеті, Сиалкот университеті, Beaconhouse ұлттық университеті.
Соңғы жылдары ЕҰУ 12 шетелдік жоғары оқу орындарында өзінің ғылыми-білім беру өкілдіктері мен орталықтарын ашты.