RUS
SmartNews сайтының хабарлауынша, Шымкент қаласының экономикасына алдағы 5 жылда 6 триллион теңге инвестиция тарту көзделіп отыр. Бұл туралы ҚР Президентінің жанындағы Орталық коммуникациялар қызметінде өткен баспасөз брифингінде Шымкент қаласының әкімі Ғабит Сыздықбеков мәлімдеген.
Сурет: gov.kz
Ғ.Сыздықбеков Шымкент қаласы экономикасының инвестициялық тартымдылығы жылдан жылға артып келе жатқанын атап өтті. Оның айтуынша, соңғы 4 жылда 1,5 трлн теңге инвестиция тартылған. Ал, алдағы 5 жылда 6 триллион теңге инвестиция тарту көзделіп отыр. Бұл бағытта нақты жоспар да жасалған.
– Қазірдің өзінде жалпы сомасы 1,7 трлн теңгені құрайтын 229 инвестициялық жобаның пулы жасақталды. Оның ішінде, басым бағыттары өңдеу өнеркәсібі саласында – 405,8 млрд теңге, тұрғын үйге – 594,4 млрд теңге, денсаулық сақтауға – 128 млрд теңге, ауыл шаруашылығына – 363,9 млрд теңге жоспарланып отыр. Нәтижесінде, 34 мыңнан аса жаңа жұмыс орны ашылатын болады, – деді қала әкімі.