RUS
SmartNews сайтының хабарлауынша, қайырымдылықпен айналысып жүрген танымал блогер Ырысбала Икрамбай тағы бір мәселені көтерді. Бұл туралы Massaget.kz сайты жазды.
Бұл жолы халықпен бірге сыйлаған 74-үйдің иесіне қатысты мәселе туындаған.
"Маған күнде бір проблема дайын тұрады, бұрындары қайырымдылықтың қадірін қашырмайын деп бәрін ішіме жұтып, өзім шешіп, іштей күйіп-өртеніп жүруші едім. Қазір ешнәрсе жасырмаймын, білсін халық арсыздардың ісін. Бұл үш қызды әке, біз Ырысты армия болып бірігіп баспана, көлік табыстаған 74-үй.
Құзығұрт ауданында тұрады, сол ауылдың азамат деуге қаншалықты келеді, жуастығын, білімсіздігін, әлсіздігін пайдаланып атынан кредит айтпай, алдап кредит алған, халық алып берген көлікті 2 ай мініп жүруге дәмелі болған, қыздардың мектептегі мұғалімі осы отбасының жанашыры шыр-пыр болып ол еркекпен ұрысып көлікті есігінің алдына әкеліп қойғызған, содан кейін мынадай былықтардың беті ашылып жатыр. Айтпай атынан Каспий банктан есепшот ашып пайдаланып, кредит алып алдап, заңды белшесінен басып жүр.
Енді мен ол еркекті тауып қырық пышақ болып қырылып, айқайласып мұқтаждың ақысын қайтаруын талап етіп оны халықпен бөліссем біраз еркек сымақтар тағы мені сұмырай қыласыңдар, мен қатын болып осы мұқтаж отбасы егде жастағы ер азамат үш қызымен көшке қосылсын деп халықтың алдына шығарып,халықтың жинаған жылуынан шашау шығармай үй,көлік табыстап көппен қуансақ, мына Дарханның жасап жүргені мынау?
Дархан мен саған 2 рет звондадым,жаздым жәй сөзбен мәмлеге келуге құлық танытпайсың, енді көреріңді көресің, Түркістан облысының құқық қорғау органдарына жүгінемін, еліміздегі телеарналар, білікті заңгерлер барлығының алдына барып осы әлсіз жанның құқығын қорғаймын", - деп жазды ол.