RUS
SmartNews сайтының хабарлауынша, бүгін баспасөз мәслихатында ҚР Өнеркәсіп және құрылыс министрі Қанат Шарлапаев «АрселорМиттал Теміртау» «Қазақстан халқына» қорына 16 млрд теңге қайырымдылық қаржы аударатыны жөнінде мәлімдеді.
ҚР Өнеркәсіп және құрылыс министрлігі мен ҚР Әділет министрлігі өкілдерінен құралған қазақстандық келіссөздер тобы ArcelorMittal компаниясын «Қазақстан халқына» қайырымдылық қорын қолдау үшін 16 млрд теңге көлемінде жарна жасауға көндірді.
ArcelorMittal компаниясынан қорға түсетін қаражат Қарағанды облысы тұрғындарының өзекті мәселелерін шешуге және әлеуметтік маңызы бар жобаларды жүзеге асыруға бағытталады. Одан бөлек бұл соманың 50%-ы Теміртау қаласына жұмсалмақ.
Сондай-ақ Власть басылымының жазуынша, «Қазақстан халқына» қоры құрылғалы бері жалпы сомасы 158,8 млрд теңге қаражат алған. Ең ірі донор – 30 млрд теңге аударған Eurasian Resources Group.