RUS
SmartNews сайтының хабарлауынша, ағымдағы жылдың 26 қарашасында №1 қалалық клиникалық ауруханаға 1995 жылы туған жүкті әйел жедел жәрдем көлігімен жеткізілді. Дәрігерлер ауыр жағдайда түскен пациентке шұғыл операция жасады.
Денсаулық сақтау министрлігінің хабарламасында, автокөлік апатынан жүкті әйел ұсақ жарақат, миының шайқалуы, кеуде қуысының қысылуы, қабырғалардың сынуы және көптеген сүйектердің сынуы секілді жарақаттар алғаны туралы жазылған.
Дәрігерлер екі күрделі операция жасаған. Операцияның бірінші кезеңінде дәрігерлер жүкті әйелдің жамбас сүйегіне, содан кейін оң жамбас сүйегіне және аяқтың сүйектеріне бекіту құрылғысын хирургиялық жолмен орнатқан. Барлық операциялар сәтті өтіп, дәрігерлер қауіптің алдын алған. Күрделі операцияны академик Асхат Әбдімёуленов пен №1 қалалық клиникалық аурухананың травматолог-дәрігері Эльдар Смағұлов жүргізген.
Бес күн реанимацияда болған пациент палатаға ауыстырылды. Қазіргі уақытта жүкті әйелдің жағдайы қанағаттанарлық, ол өзін жақсы сезінеді. Барлық функционалдық және қозғалыс дағдылары сақталған. Күрделі операцияға қарамастан, жүктілігі сақталды, - делінген ведомство хабарламасында.