Шавкат Рахмонов келесі жылға басты жоспарын айтты
Аралас жекпе-жек шебері Шавкат Рахмонов (17-0) келесі жылы UFC чемпиондық атағын жеңіп алғысы келетінін ашып айтты. Бұл туралы Халық Үні хабарлап отыр.
Мен келесі жылы UFC чемпионы атағына таласқым келеді. Басты мақсатым – чемпиондық белбеуді иеленіп, Қазақстанға қайту, – деді ол The MMA Hour-ға берген сұхбатында.
Шавкат Рахмонов келесі жекпе-жегін 17 желтоқсанда Лас-Вегастағы UFC 296 жарысында өткізеді. Бұл жерде ол америкалық Стивен Томпсонмен (17-6-1) октогонға шығады.
Аралас жекпе-жек шебері UFC-де 6 жекпе-жек өткізіп үлгерді. Оның бесеуінде уақытынан бұрын жеңіске жетті. Қазір ол жартылай орта салмақ рейтингінде 5-орында тұр.