RUS
Түркістан облысының таулы аймақтарында бұрқасын жел басталып,ауа райы күрт өзгерді. Бұл туралы Түркістан облысы полиция департаментінің баспасөз қызметі хабарлады.
Атап айтсақ, ауа райының қолайсыздығына байланысты Түркістан облысында онлайн оқыту жүйесі іске қосылды. Созақ, Ордабасы, Кентау қалалары, бастауыш сынып оқушылары қашықтан оқуға көшті. Тәртіп сақшылары тұрғындардың қауіпсіздігі үшін жұмыс жасайтындығын және ұзақ жолға шықпауға кеңес беретіндігін жеткізді.
Бүгінде өңірдегі Бәйдібек және Түлкібас аудандарын байланыстыратын жол, “Батыс-Еуропа және Батыс-Қытай” трассасы, Мыңбұлақ бағытындағы жолдар жабық. Кей жерлерді қалың қар және мұз басқандығы да анық көрсетіліп жатыр.
Автор: Бақтылова Қарақат