RUS
Smart News басылымының хабарлауынша, Ұлыбритания үкіметі ресейлік алмас, мыс, алюминий және никель импортына тыйым салу туралы шешім қабылдады.
Біріккен Корольдік премьер-министрінің кеңсесі жариялаған жаңа мәлімдемеде ресейлік тауарларға қатысты санкцияларды күшейту мәселесі көтерілген. Ресейден Ұлыбританияға импорты 2024 жылдың 1 қаңтарында шектелмек. Бұл туралы Ұлыбритания Сыртқы істер министрлігі хабарлады.
Ұлыбритания сондай-ақ ресейлік 86 жеке тұлғаға және әскери-өнеркәсіптік кешен компанияларына, сондай-ақ энергетика, металлургия және кеме қатынасындағы экспорттық түсім мен негізгі кіріс ағынына байланысты салаларға қатысты шектеу енгізілгенін хабарлайды.
Құжатта санкцияға іліккен нақты есімдер мен компаниялар көрсетілмеген.
"Санкциялар қазір тек тәуекелі төмен, гуманитарлық, азық-түлік және медициналық тауарлардың экспортына қолданылмайды", - делінген хабарламада.
Ұлыбритания қабылдаған шешім Жапонияның Хиросима қаласында өткен Үлкен жетілік (G7) тобының саммиті қарсаңында жарияланды. Біріккен Корольдіктің премьер-министрінің мәлімдемесінде G7 қауіпке қарсы тұратынын және Украинаны соңына дейін қолдайтыны айтылған.