RUS
Smart News басылымының хабарлауынша, Сауда министрлігі әлеуметтік маңызы бар азық-түлік тауарларының бағасын енді реттемейді. Яғни келесі жылдан бастап халық ең көп тұтынатын тұз, ұн, қарақұмық, күріш, нан, сүт пен картопқа шекті баға белгіленбейді.
Министр Арман Шаққалиев мұндай тәжірибе әлемдік экономикада кеңінен белең алған, бізге таңсық емес деп отыр. Яғни тауар құнын нарық өзі реттейді. Дегенмен қымбатшылық онсыз да қос бүйірден қысқанда бұл шешімінен азық-түлік құны аспандамайды деген сенімде. Министрдің сөзінше, аталған тауарлар қымбаттағанның өзінде небәрі 1 пайызға жетпейтін өсім күтіліп отыр екен.
— Бағаны реттеуді экономикада ешқайдан таба алмайсыз. Сол себепті 9 позицидан, келесі жаздан бастап бағаны реттеуді алып тастаймыз. Бұл заң жобасы әлі Мәжілісте талқыланып жатыр. Бұл қандай позициялар? Картоп, күріш басқалар, - деді ҚР Сауда және интеграция министрі Арман Шаққалиев.