RUS
Smart News басылымының хабарлауынша, 11 қазанда қазақ тілінде дубляждауға іріктеуге онлайн дауыс беру аяқталып, оған 5 киножоба, қатысқан еді. Бұдан әрі онлайн дауыс беру нәтижесі Сараптама кеңесінің қарауына берілді. Ол 5 фильмді де дыбыстау қажет деп тапқан. Бұл туралы Vlast.kz басылымы жазды.
Алайда ұлттық киноны қолдау орталығының хабарлауынша, конкурстық іріктеуге қатысқан компания мына фильмдерді дубляждаудан бас тартқан «Pororo Popstar Adventure» («Кішкентай Пороро: музыкалық шытырман оқиға»), «Butterfly Tale» («Көбелек оқиғасы») анимациялық фильмі, «Wild Heart» («Жабайы жүрек») көркем фильмі.
«Құқық иеленушіден телевизиялық көрсетілім үшін құқықтарды жеке сатып алу қажет, ал бұл туралы шығындар олар ұсынған сметада болмады», деп келтірді ҰКҚМО.
Ал іріктеуден өткен тағы екі фильм «Cat and dog» («Мысық пен ит») және «Autumn and the black» («Менің ягуарым») фильмдерін жүзеге асыруға 30-40 күнтізбелік күн қажет болған, ал мемлекеттік сатып алу келісімшарты бойынша оны іске асыру мерзімі 2023 жылғы 31 желтоқсан болғандықтан, студиялар дубляжды аяқтап, үлгермес еді.
«2023-2024 жылға созылатын келісімшартты қарастыру мүмкін болмады. Соған байланысты, биылғы дубляж байқауы жарамсыз деп танылды», - дейді ұлттық киноны қолдау орталығы.
Осылайша қазақ тіліне дыбысталған шетелдік фильмдер соңғы рет 2022 жылы шықты: «Аватар» фильмінің бірінші бөлімі, «Қара қабылан: Ваканда жасасын» және «Аватар: Су жолы» фильмдері.
«Тамызда бұрынғы мәдениет және спорт министрі Асхат Оралов прокатқа қазақша дыбысталған 15 фильм шығады деп уәде берген еді. Бұған 443 млн теңге жұмсамақ болды. Ал байқау қорытындысы бойынша, тек 5 фильм қатысқандықтан, оған бюджеттен 125,5 миллион теңге бөлу жоспарланған. Алайда конкурс өтпегендіктен барлық ақша бюджетке қайтарылды», — дейді ҰҚКМО.
2022 жылдың қазанынан бастап министрлік Ұлттық киноны қолдау мемлекеттік орталығы (ҰККМО) ұйымдастырған тендерлер арқылы фильмдерді дубляждауға тапсырыс бере бастады. Бірақ бірде-бір тендер өткен жоқ, 2023 жылы ҰККМО үш байқауға қатысуға үш рет өтінім қабылдауды жариялап, тек үшіншісінде ғана 5 киножобаға өтінім түсті.