Анасы өмірден өткен Азамат Сатыбалды көпшілікке арнап қайғылы жазба қалдырды

Smart News басылымының хабарлауынша, қазіргі уақытта "Қазақфильм" киностудиясының директоры қызметін атқарып жүрген тележүргізуші, кино және театр актері, Қазақстанның еңбек сіңірген қайраткері Азамат Сатыбалды қайтыс болған анасын еске алып, жазба қалдырды.

"Қайғыны бөліссең азаяды…
Ардақты ағайын.
Анамнан айрылып қайғыдан есеңгіреп жатқанда, жылы сөздеріңізбен жанымды жұбаттыңыздар.
Алғыстан басқа айтарым жоқ.
Отбасыларыңыз аман болсын.
Әке шешелеріңізді қадірлеп, тірі күнінде батасын алып қалуға тырысыңыздар.
Бақыт батада.
Өмір жалғасады, бұл заңдылық. Бірақ сағыныш басылмасы анық.
Көңіл айтып жатқан барша оқырмандарым мен замандастарыма рахмет айтамын", - деп жазды Азамат Сатыбалды.

Әртістің көңіл тебірентер жазбасының астына өнер иелері көңіл айтты.

"Сендей асыл азаматты дүниеге әкелген ата-аналарымыз ФИРДАУС ЖАННАТТЫҚ болсын, Азекем. АЛЛА Тағала мейіріміне бөлесін. Қайғыңа ортақпыз", - деп жазды Сәкен Майғазиев.