RUS
Smart News басылымының хабарлауынша, жаңа жылдық түсірілімде жүрген Жұлдызай Дүйсенбиева әрістесі, әнші Жігер Ауыпбаевпен видео жариялаған. Бейнежазбаның астына актриса "Дәл қазір кімге ашуыңыз келіп тұр?" деп жазған.
Видеода актриса Жұлдызай қалың дәптермен әнші Жігердің артынан келіп, оқыстан қалың дәптермен ұрғанын көруге болады. Соққы ауыр тигенін әншінің жүзінен байқауға болады. Актрисаның Жігерге жасаған "пранк" видеосын көпшілік дұрыс түсінбегенге ұқсайды. Пікір алаңында желі қолданушылары осы видеодан кейін Жұлдызай Дүйсенбиеваға пікір қалдырып, ұрысып тастаған.
"Мәссаған, жаман ұрдыңыз ғой", "Өшіңіз бар ма еді?!", "Дұрыс болмады", "Миы шайқалды-ау", "Ол да біреудің үпілеп-сүпілеп өсірген баласы ғой, жайырақ ұрсанызшы" дейді оқырмандар.
Әртістің әзіліне күліп, қосыла қалжыңдаған оқырмандар да жоқ емес.
"Басы домалап кете жаздады ғой", "Кино ғой, халқым. Теріс коммент керек емес-ау", "Жұлдыздың қолына түстің, біттің", "Ештеңе етпейді Ер адам ғой", "Әпкесінен анда-санда удар алып тұрған пайдалы" деді қалжыңбас оқырмандар.
Дегенмен актриса ашулы оқырмандарына жауап беруді де ұмытпады.
"Халқым-ау, бұл әзіл. Мені соншалықты "тәрбиесіз", "жынды" деудің қажеті жоқ", - деп жауап берді Жұлдызай Дүйсенбиева оқырмандарына.