RUS
Smart News басылымының хабарлауынша, Швейцарияда ҚР Мәдениет және ақпарат министрлігінің қолдауымен ұйымдастырылған «Астана Балет» театрының гастрольдері басталады.
Астаналық ұжым Женеваның Batiment des Forces Motrices мәдениет орталығында үш күн бойы ұлттық және заманауи хореографияның үздік туындыларын паш етеді: А.Алонсоның «Кармен-сюита» балеті, «Тағдыр бұлтарыстары» авторлық спектаклі мен «Ұлы Дала мұрасы» гала-концерті.
Көрерменге Жорж Бизе-Радион Щедрин музыкасына А.Алонсо қойған «Кармен-сюита» балеті көрсетіледі. Бұл – ХХ ғасыр балет өнерінің озық үлгісі. Хореографиялық өнердің жанкүйерлері «Астана Балет» театрының бас балетмейстері Мукарам Абубахриева Карина Абдуллинаның музыкасына қойған «Тағдыр бұлтарыстары» мистикалық спектаклін тамашалай алады.