RUS
Smart News басылымының хабарлауынша, екі фельдшер Қызылорда облысы Арал ауданының Сексеуіл ауылында қыз баланың аман-есен дүниеге келуіне көмектесіп, әйелді жедел жәрдем көлігінде босандырды. Кіндікбауы мойынға оралып, боран соққан далалық жағдайға қарамастан, дәрігерлер өз міндеттерін өте сәтті орындаған.
Денсаулық сақтау министрлігінің дерегінше, кешке қарай 103-ке Сексеуіл елді мекенінен шақырту келген. Шақыртудың себебі «39 апталық жүктілігі бар әйелдің іші ауырып жатыр». Шақыртуға Қамшат Оразғалиева мен Манасбек Орынбаев фельдшерлік бригадасы жіберілген.
Әйелді стационарға тасымалдау кезінде, Арал қаласына жетпей, әйелдің толғағы жиілеп, босана бастаған. Қағанақ суы кетіп, ұрықтың басы шығып, әйел босанған. Салмағы шамамен 3 кг, бойы 50 см болатын қыз дүниеге келді.
Әйел мен бала жылы оралып, Арал КАА қабылдау бөлімшесіне жеткізілген.