Әлия Назарбаеваға қатысы бар «РОП Оператор» толығымен мемлекетке өтті
Бұл туралы Экология министрі Ерлан Нысанбаев мәлімдеді.
Smart News басылымының хабарлауынша, экс-президент Нұрсұлтан Назарбаевтың кіші қызы Әлия Назарбаеваға қатысы бар «РОП Оператор» компаниясы мемлекет меншігіне өтті.
«РОП бүгінде 100 пайыз мемлекеттік кәсіпорын. Бұған дейін бұл жеке кәсіпорын болған және оның (Назарбаеваның - ред.) кәсіпорны болған шығар, мен нақтысын білмеймін. Бірақ бүгін ресми түрде қалдық өңдеумен айналысатын кәсіпорынның Назарбаеваға ешқандай қатысы жоғын мәлімдеймін», - деді Нысанбаев.
Бұған дейін БАҚ-та компанияның Назарбаеваға тиесілі екені жиі айтылатын. Бірақ іс жүзінде негізін қалаған Әлия Назарбаеваның көмекшісі Шынар Мұқтарова боп шықты. Ол шілдеде Интерполдың көмегімен БАӘ-ден Қазақстанға жеткізіліп, 920 миллион теңге шығынды өтеді. Қарашада шартты түрде 7 жылға сотталды.
Материал авторы
