RUS
Нұржан Қуандықов:
Декларацияны қағаз түрінде де, электронды түрде де 2024 жылдың 15 қыркүйегіне дейін тапсыруға болады.
Cпикердің айтуы бойынша декларацияны "e-salyqazamat", "салық төлеуші кабинеті", "электрондық үкімет" мобильді қосымшалары арқылы тапсыруға болады, сондай-ақ бүгінгі күні екінші деңгейлі банктердің қосымшаларында декларацияны тапсыру функциялары іске қосылғандығы белгілі болды.
"2024 жылы 1 қаңтардан бастап декларацияны заңды тұлғалардың құрылтайшылары, жеке кәсіпкерлердің басшылары, олардың жұбайлары (зайыбы) тапсырады. Шамамен 3,9 миллион адам жоспарланған. 2025 жылғы 1 қаңтардан бастап азаматтардың басқа санаттары (мысалы, жеке құрылымдардың қызметкерлері, зейнеткерлер, үй шаруасындағы әйелдер, студенттер және тағы басқа) тапсырады. Бұл - 6,9 миллион адам. 2025 жылы декларация тапсыратын тұлғалар 13 миллионнан асады деп жоспарланып отыр", - деді Нұржан Қуандықов.
Келесі web-сайттар декларацияны өткізу барысында көмек көрсете алады.
Қазақстанда активтер мен міндеттемелердің болуын осы сайттардан тексеруге болады:
1) бағалы қағаздар бойынша – https://portal.kacd.kz;
2) тұрғын үй құрылысына үлестік қатысу туралы шарттар бойынша –
https://homeportal.kz; https://www.gov.kz/services/3910?lang=ru;
3) зияткерлік меншік, авторлық құқық объектілері бойынша - https://gosreestr.kazpatent.kz;
4) сенімгерлік басқаруға берілген мүлік бойынша - https://egov.kz/cms/ru/services/pass077_mu
Автор: Елеусін Хадиша