Таразда жекеменшік балабақша басшысы бюджеттен 13 миллион теңге жымқырған
Тараз қаласында жекеменшік балабақша басшылығы бюджет қаражатынан 13 млн теңге жымқырған. Бұл туралы smartnews.kz сайты хабарлап отыр.
Тараз қалалық прокуратурасы «РозАль» орталығы» жеке балабақша басшылығының мектепке дейінгі ұйымдарды жан басына шаққандағы қаржыландыру аясында бөлінген 13 млн теңге бюджет қаражатын жымқырғанын анықтады.
Мекеме басшысы іс жүзінде тәрбиеленбеген балалар үшін бюджет қаражатын алып отырған.
Аталған факті бойынша 2023 жылғы 25 қыркүйекте ҚК-нің 190-бабы 2-тармағының 4-бөлігі бойынша қылмыстық іс қозғалып, ол Жамбыл облысының Экономикалық тергеп-тексеру департаментіне тапсырылды.
Қылмыс жасады деген күдікпен балабақша басшысы соттың санкциясымен қамауға алынды.