RUS
Ол сонымен қатар бейнежазбада ұлының Салтанат Нүкенованы өлтіргісі келмегенін мәлімдеді.
Олар отбасын құрып, ары қарай өмір сүргісі келді. Пәтерінде құрылыс жүргізіп, киім бөлмесін Салтанат үшін үлкейтуді қалады. 9 қараша күні не болғанын біз де білмейміз. Бірақ біз ұлымыздың өлтіру туралы ойы болмғанына толық сенеміз, – деді Бишімбаев.
Уәлихан Бишімбаев тергеу құпиялығын алға тартып, ұлына қатысты іске манипуляция жасап жатқандардың көп екенін айтты.
Ол сөзінің соңында БАҚ өкілдерін шындыққа жанасатын ақпаратты ғана жариялауды сұрады. Сонымен қоса тиісті органдарды ашық әрі әділетті тергеу жүргізуге шақырды.