RUS
Smart News басылымының хабарлауынша, Ауғанстан билігін басып алған Талибан ұйымын Қазақстан тыйым салынған шетелдік ұйымдар тізімінен алып тастамақ. Бұл туралы Kazinform басылымына берген сұхбатында Сыртқы істер министрлігінің ресми өкілі Айбек Смадияров айтты.
"Қазақстан актуализация мақсатында ҚР-да тыйым салынған террористік ұйымдардың ұлттық тізіміне үнемі тексеру жүргізіп отырады. Аталған процесс шеңберінде БҰҰ тәжірибесіне сәйкес тізімнен "Талибан қозғалысын" алып тастау туралы шешім қабылданды", - дейді Сыртқы істер министрлігінің өкілі.
БҰҰ Қауіпсіздік Кеңесінің орындалуы міндетті қарарларына сәйкес, Талибан қозғалысы террористік деп танылған ұйымдардың тізіміне кірмейді.
Еске сала кетсек, 2021 жылы американдық армия Ауғанстаннан шығарылғаннан кейін Талибан әскери билікті басып алып, ресми үкімет ретінде елдің басында тұрды.