RUS
Smart News басылымының хабарлауынша, белгілі абайтанушы Омар Жәлел атақ сатып аламын, алаяққа алданған. Бұл туралы ол өзінің Instagram парақшасында жазды.
Ғалым ақша мен атаққа қызығып, қатты дәметкенін айтты.
“Бұл ашкөздік дегенді қойсайшы: “Сізді қоғам қайраткері деген атаққа ұсынайық деп едік” деп хабарласты Алқа Шаяхмет қарындасым. “7 миллион теңге аласыз. Ешкімге айтпаңыз. Ешкім білмесін. Өзім коммисияның мүшесімін. Алла қаласа Тәуелсіздік күнінің қарсаңында алып қаларсыз” деді “жанашыр” қарындасым. Содан ашкөздігім оянып, белгісіз бір рақат сезімі билеп, “Құжат жинауға керек” деген сомасын басқа бір орыс тілді әйелдің атына аударып та жібердім. Тәуелсіздік күні де келіп жетті: атақ та жоқ, ақша да жоқ. Отырған сол дәметкеннен алқымым ісіп. “Енді не болды, қарындасым?” деп хабарлассам, “Жылдың соңына дейін күтіңіз” дейді. Үмітсіз шайтан деп, отырмын енді күтіп.
Бір мен ғана емес, қасымда “Дарын” сыйлығынан үміткер тағы екі адам бар: олар 5 миллионнан аламыз деп күткен екен”, – дейді абайтанушы.
Желі қолданушылары абайтанушының атаққұмарлығын сынға алды
"Сонда атаққа бола жүрсіз бе?", "Бар сенгеніміз сіз болсаңыз, қалғанынан не қадір?!", "Неңіз бар жалған атақ алып?", "Ұят-ай, оны несіне жетісіп салып отырсыз?", "Өмірдің мәні атақта ма еді? басқасы басқа Омеке сізге керек пе еді сол атақ? Атағың жер жарып тұрған жоқ па?" деді ғалымның оқырмандары.