RUS
Smart News басылымының хабарлауынша, Қызылордалық отбасы биыл алғашқы үшем балақайлардың ата-анасы атанды.
Біршама уақыт дәрігерлер бақылауында болған нәрестелер бүгін перзентханадан үйіне шығарылды.
Жалпы облыста туу көрсеткіші бойынша айтарлықтай өсім бар. Былтыр өңірде 11 мыңнан астам сәби өмірге келсе, соның ішінде 171 егіз, үш үшем туған.
Қазақстан арнасының жазуынша, Жаңа жылға Қазбековтер әулеті де осындай қуанышпен жетіп, үшемнің анасы Ақбота бір сәтте көпбалалы ана атанып отыр.
"Балапандарымды аман-есен дүниеге әкеліп, аман-есен босандым. Қазір енді менің де, балалардың да жағдайы жақсы. Бір ұл, екі қыз. Ұлдың есімі Әлинұр, қыздардың есімі Адина мен Медина", - деді үшемнің анасы Ақбота Әбсаттар.