RUS
Smart News басылымының хабарлауынша, "Миллион кімге бұйырады?" бағдарламасын жүргізген Ескендір Сергебаев "Уақыт көрсетеді" арнасына сұхбат бере барды.
"Казинолардың қасынан өткенде құсқыңыз келе ме? Әлде өткен шақты еске түсіресіз бе?" деген сұраққа былай деп жауап берді:
"Бұны былай деп қабылдау керек. Казиноны демалыс орны деп қабылдаған адам құсқысы келмейді. Қатты көңіл қалатындай, соншалықты өмірді қиып жіберетіндей деңгейге жеткен жоқпыз. Казиноға реніш жоқ" - деді ол.
Құмар ойынына не үшін, кіммен барғанын да айтты.
"Ешкім сүйреп алып бармады. Анау апарды, мынау апарды, анау ауыздандырды деп айтпайсың ғой. Мен сол жақта жұмыс жасаған соң (Қапшағай әкімінің орынбасары қызметін атқарған тұста - ред.) жарқырап тұрған нәрсені ашып көргім келді. Қай нәрсені болмасын дәмін көру керек. Мүмкін, бұл қателік пе еді?! Мүмкін Қапшағайға барудың өзі қателік пе еді? Мүмкін мемлекеттік қызметке барудың өзі қателік пе еді? Кім біледі?!", - деді ол.
Сондай-ақ Ескендір Сергебаев соңғы рет казиноға бір ай бұрын барғанын айтты.