«Елін жерімен қосып сатып жіберген патша бізге ғана бұйырды» – Мұхтар Мағауин Назарбаев туралы

Smart News басылымының хабарлауынша, жазушы Мұхтар Мағауин «Халық үні» басылымына берген сұхбатында Назарбаев туралы айтты.

"Ал Назарбаев жөнінде айтатын болсақ, «Ұлтсыздану ұранында» бар. Әлемде неше түрлі патша болды дедім. Данышпан патшалар болды, қолбасшы патшалар болды, саясаткер патшалар болды, ақымақ патшалар болды, психикалық ауру патшалар да болды. Бірақ халқын, елін жерімен қосып сатып жіберген патша бізге ғана бұйырыпты. Әуел бастағы көзқарасым менің. Басында үміт еттік, әрине. Президент болып отырғаннан кейін. Сол кезде бірден байқадым, бұл кездейсоқ келген адам еді ғой. Бұл – отарлық үкіметтің қойған адамы. Одан ары қарай отарлай беру үшін. Басқа кандидатуралар болды ғой. Әуелбеков болды. Мен айтам, Кәмелетдиновті қою керек еді, керек болса. Ол ақымақ, ұр да жық. Ал мынау әуел баста қойған кезде Горбачев деген зұлым адам ғой. Сол «Желтоқсанды» ұйымдастырды, қазақты жаныштау үшін. Басқаларға үлгі болсын, қазақты сабап, басқалары тыныш болады деп. Әуел баста қазаққа қарсы жұмыс жасады. Ол әлі жемқорлық, жеу деген бір ғана нәрсе бар. Қазақтың рухын жаныштады, қазақты тоздырды, аздырды. Голощекин 1932 жылы қазақтың үштен екісін қырып тастаса, бұл бүкіл қазақтың, бүкіл жан-дүниесін жоққа айналдырды", - деп пікір білдірді Мұхтар Мағауин.