"Түк бітірмеді": Хиуаз Доспанова атындағы медаль алған Тамара Асар сынға қалды

Smart News басылымының хабарлауынша, әнші Тамара Асарға Атырау облысы ардагерлер кеңесі "Халық қаһарманы және қоғам қайраткері,офицер ұшқыш Хыйуаз Доспанова" атындағы медалімен марапаттаған.

"Мені “Батыр қыз” деуші Халқым, маңдайыма нағыз батыр қыздың атындағы медаль бұйырды.

Атырау облысы ардагерлер кеңесінің шешімімен Халық қаһарманы және қоғам қайраткері,офицер ұшқыш Хыйуаз Доспанова медалімен марапатталдым. Хыйуаз апамдай қан майданның батыры болмасам да, жүрегіммен халқымды сүйіп,басым жерге жеткенше,Халқыма арнаған әніммен, сәніммен,Ата-Анамнан алған тәлім тәрбиеммен,ұрпағыма дұрыс жол көрсетсем, абыроймен үлгі болсам,сол мен үшін бейбіт күннің батырлығы!

Алдыңғы буын ағалар құрметтеріңізге үлкен мың алғыс! Атырауым, бас идім. Рахмет сенімдеріңізге!" - деп жазды әнші.

Әншінің марапатына бірі қуанса, бірі бұл медальді неге әншінің алғанына таң қалды.

"Ұшқыш атымен әншіні марапаттамай ма екен?", "Осы биздин ел қызық. Тек әншілерді марапаттай береді. Не үшін? Мұғалімдерді, өлімнен арашалаған хирург әйелдерді неге марапаттамайды?", "Қан майданда қан кешкен батыр мен сахнада әшейін ән айтқан әншіні теңестірді!", "Ауылда көп бала асырап, еліне, жеріне, халқына ерен еңбегімен лайықты қаншама нағыз ер батыр, қаhарман аналар табылмағаны ма?", "Әлия мен Мәншүк өлгенде алған шығар осы атақты қолдарына қару алып", "Түк бітірмей мынадай медаль ұялмай қалай алды екен?!", - деп жазды оқырмандар.